2 Prill 2025

Kimisti Sokol Abazaj, drejtoi kritika të ashpra ndaj AKU, si institucion që duhet të garantojë sigurinë ushqimore.

Gjatë një lidhje me skype në “Open”, Abazaj e cilësoi skandaloze faktin që në Shqipëri, inspektorët mjaftohen me gjobë.

Sipas tij, nëse shihet se ka produkte që dëmtojnë shëndetin, ky subjekt duhet të pezullohet menjëherë.

“Duhet të kontrollohet e gjithë sasia. Ata inspektorë ndoshta janë viktimë, sepse sistemi nuk funksionon, a janë të trajnuar si duhet, a janë kontrolluar në veprimtarinë e tyre. Nëse marrin një kampion jo sipas procedurave, analizat nuk dalin mirë, por malli mund të cohet në vend tjetër për analiza.

Parimi i cdo veprimi të institucioneve përgjegjës për zinxhirin ushqimor është informacioni dhe publiku duhet të njoftohet.

AKU ka humbur një gjyq ndaj një subjekti pasi ai e ka akuzuar për prishje imazhi por nuk ka imazh që duhet ta ndalojë AKU  të garantojë sigurinë ushqimore.

AKU del e flet me iniciale, si në kohën e Enverit kur flisnim për spiunë e agjentë. Patjetër duhet folur me emra kush janë ato produkte që dëmtojnë shëndetin e njerëzve.